TANGIANG PANONDIANAN NI JESUS

Johannes 17: 20-26

Adong do mandok: Sian tangiang boi do taboto “aha na gumodang di holsohon rohana”. Molo ganup tongkin sahalak ina mandok di tangiangna : Ale Tuhan angka anakhonhu, tarlumobi borungku si paidua i, na dipangarantoan ramoti ma padao parmaraan: Na marlapatan do i na sai diholsohon do Borunai isarana na hurang malo dope ibana manjaga dirina, manang na sai ganggu dope rohana di pangalahona. Ala ni i asal martangiang: Ale Tuhan borungku sipai dua i..! Molo tapangke pangantusion on, jala tapamanat turpukta i ma: tangiang ni Tuhan Jesus: Aha ma na gumodang di holsohon Jesus ? Alusna holan sada do: Hasadaon ni angka na porsea di portibi on. Diboto Jesus do titik rawan ni angka na porsea ( Huria) i ma “maol marsada”. Ala ni ima di pangido Tuhan Jesus tu Ama I di bagasan tangiang hamalimonNa : Asa sada nasida saluhutna (ut ommes unum sin).

Molo taparrohahon Sejarah Gereja di portibion: Sian na robi sahat tu nuaeng on sai maol do dapot hasadaon i. Mulana i sude hita di goari do Huria Hatopan (Am / Katolik). Jala Bulan Oktober 1531 Tagoari ma Ari Reformasi songon hari hatutubu ni Gereja Protestan: Tarbagi ma huria i gabe adong ma huria na arus protestan, isarana Luteran. Ndada holan i, Ala ni Pergolakan politik di Kerajaan Romawi : poncama muse huria I gabe adong ma tagoari : Kristen Ortodok na berpusat di Istambul – Negara Turki nuaeng on. (Konstantinopel Najolo). Ndada holan i di bagasan protestan i adong do muse parbotan. Marbolat muse dope huria i di Protestan na di Indonesia: Adong ma di Goari: Aliran Lutheran (HKBP/HKI/GKPI/GKLI/GKPS/GKPPD) rarat Songon goar ni bus/ manang angkotan (PPD?BTN?KPD?): Sabotulna HKBP Hian do sudena on) Adong muse digoari aliran: Calvinis : GBKP (Gereja Karo), Adong Muse Methodis (naro sian Inggris), adong muse : Bala Keselamatan, Adong Karismatik (GPDI/ GSJA/GKII,PII), Adong muse Adventis, Saksi Jahowa . Pangkalna i ma maol do huria i marsada. Rarat ma huria I dibagasan ragam ni angka parasingan. Adong muse do ninna adong goar ni Gereja: GLKS (Gereja Langsung ke sorga) tidak lewat loket. Botulbotul do na hinolsohon ni Tuhan Jesus tung I do: I ma hasadaon ni huria.

Parsoalan ni huria i ma: Boi dope dapot natinangianghon ni Tuhan Jesus on: Alai ndang holan nasida hutangiangkon, dohot do angka na naeng porsea dope di Ahu, tinogu ni hatanasida: Asa sada nasida saluhutna; songon Ho, ale Amang, di bagasan Ahu jala Ahu di bagasan Ho, songon i ma nang nasida di bagasan Hita”. Tarpatupa ni huria dope mampareahi on ?. Ala na di huria ninna: adong do marmancam soara ni giringgiring: Adong soarana: Tee…nang….Teee…nang”. Adong “gaooor…gaooor” laos adong “Tam-pung…tam-pung”. Angka on ma na ta hilala mambahen gaor i tarlumobi ma huria dongot giring-giring: Tampung ! Curi domba istilahna.

Ala “Hasadaon ni naporsea do na sinintasintahon ni Tuhantai” sai diusahon huria ma nuaeng na mampareahi hasadaon. Tagoari ma i Gerakan oikumene: i ma gerakan na mangusahahon tangiang ni Tuhan Jesus on: Gerakan kesesaan gereja. Adong do tingkat Dunia: WCC (World Council of Churches) markantor di Geneva - Swiszerlan. Adong LWF (Lutheran World Federation) Federasi Gerejagereja Lutheran sedunia, Markantor di Geneva. Adong muse : CCA: Cristian Conference of Asia (Konferensi Kristen Asia). DiIndonesia : PGI (Persekutuan Gereja2 di Indonesia) Adong: BKAG (Badan Kerjasama Antar Gereja) dlna. Angka on ma usaha na pinatupa ni Huria asa dapot hasadaon i.

Bohama nuaeng di tingkat Ruas ni huria: Boha dapot do hasadaon songon na nidok ni Jesus on ?. Domu tu si dipangido Tuhan Jesus do, asa diradoti huria i na ummarga i ma hasadaon ni angka na porsea I:

Sada manghangoluhon Barita na uli I na tarsurat di Bibel dipandan Narobi dohot di Padan na imbaru. Jala pangarimpunanna I ma patik Holong ni roha. Sude Huria i ma huria na hinaholongan ni Debata.

Sude Naporsea i, naeng ingkon marusaha mambaritahon barita na uli i asa di boto portibion : Jesus Tuhan na sinuru ni Ama I gabe haluaon ni portibion. Nantoari tarjaha ahu do di surat kabar adong jamita na mandok: Marisuang do hita mandok Porsea di Debata Ama, Di Jesus Kristus dohot di Tondi Porbadia di gareja, anggo dung haruar sian gareja pintor mangulahon parbadaan, harongrangon, korupsi, dohot mangulahon angka maksiat. Napaleahon Tuhan Jesus do i. Hasangapon ni huria i ndang di organisasina, manang di uluanna: Alai di Jesus I sandiri. Ala ni I na paleahon huria ni dongan, na paleahon Tuhan Jesus.

Domu tusima ingkon argahononta do hasadaon ni huria: Alai unang pola talapathon hasadaon dohot ”hasarupaan”, nang so sarupa hita boi ma marsada. On ma na di goargi “Unity in diversity” hasadaon dibagasan ragam parasigan. Molo marasing pe hita na patuduhon hamoraon ni Debata do i. Jala marguna do parasingan I asa dapot serep ni roha, dohot mananda jatidirinta.

Amen

Pdt.G.Panjaitan.MSi