Bangso Napinillit ni Debata

Turpuk : Efesus 1:3-14

1. Hajongjongan ni huria di portibion mangihuthon Apostel Paulus, ndada factor kebetulan, alai sada rencana na balga ni Debata do sian mula ni mulana tagan soojak dope Tanoon. Mamungka panompaon disangkapi Debata do jolma na tinompana i gabe halomoan ni rohana na mangolu rodi saleleng ni lelengna di surgo i. Alai madabu do jolma I tu bagasan dosa, jala gabe hamatean na saleleng ni leleng na ma gabe ujung ni pardalanan nasida. Leleng do jolma I mangolu manuju tu hamatean. Alai ndang olo Debata pasombuhon “jalan menuju maut” mardalan torus. Ala ni I ma ro Debata “memutar arah “ pardalanan ni jolma marhite Anakna Tuhan Jesus kristus. Angka na porsea di Jesus Kristus I ma jolma pinompar ni si Adam na mulak tu dalan parjolo tagan so mardosa I ma dalan hangoluan na pinarade ni Debata. Marhite haporseaon na songon I ma Paulus mandok: Ai dipillit do hita di bagasan Ibana, andorang so ojak dope tano on. Ditompa Debata pe portibion dohot jolma asa mian dihangoluan salelngnilelengna do. Ala ni I na porsea di Jesus naung dipillithian ma I tagan so ojak dope portibi on.

2. Pamilliton ni Debata di angka naporsea di Kristus Jesus marlapatan do I manorushon sangkap dohot tujuan ni Debata sian mula ni mulana di na tinompana portibi on. Ala ni I mapamilliton I ingkon mamparhonhon marhite na tahangoluhon:

Badia hita jala so hasurahan di adopanna i, di bagasan holong ni roha: Lapatanna hadirionta ingkon do marasing sian hadirion ni jolma na di portibion. Badia lapatanna pulik, asing sian hasomalan ni portibi na: i ma parmainanon, hahodaron, pargadombuson, hasipelebeguon, hadatuon, parmusumusuon, parbadabadaon, pangiburuon, rimasrimas, pargutugutuon, parsalisian, partahitahion, bunubunu, parmabuhon, haormuson jala angka na suman tusi. Paulus hea mandok tu huria di Rom: Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan (Rom 12:12)

Dipillit hita gabe Anakna: I ma gabe panean hita disude arta na diparade Debata di banua ginjang. Dipanaek Debata “status ni hajolmaonta” di adopan ni Debata :” Dibahen i, ndang be hatoban ho; tung anak do! Alai molo anak, laos panean do ho marhite sian Debata! (Galatia 4:7) Status na imbaru on ingkon pataridahononta gabe status sosial diportibion. Ingkon tangkas ma hita gabe jolma naung manghangoluhon haluaon i ma hasesaan n angka pangalaosion, mangihuthon asi ni rohana na tarlobi i. Gabe jolma na pistarhita jala bisuk na rade marpamuati di angka hahurangan ni dongan songon Debata naung manesa Dosanta.

Dipillit Debata hita asa gabe hita hasahatan ni rahasia ni Debata, hasahatan ni Rencana ni Debata sianmula ni mulana sahat rodi ujungna I ma: Pasadahon di bagasan Kristus i sasudena, na di banua ginjang dohot na diatas tano on. On ma ujung ni pardalanan ni sandok natinompa I, manuju tu sada titik temu I ma unifikasi dibagasan Jesus Kristus. Molo marragam pe huria, marragam bangso inaganan ni na porsea , marragam organisasi ni jolma alai tahaporseai do saluhutna I mardalan manuju hasadaon dibagasan Jesus. Ala ni Visi dohot Missi ni Tuhanta on m na pinarbagabaga i. I ma Tondi Porbadia: Ibana do patujolo ni arta siteanonta, bahen haluaon ni na hinophopna i, asa tarpuji hasangaponna I

3. Molo dipaloas debata dope hita manguduti ari ni ngolunta, marlapatan ma I di hita manguduti angka ulaon laho patulushon sangkap dohot tujuan ni Debata di portibi on I ma: Pasadahon di bagasan Kristus i sasudena, na di banua ginjang dohot na diatas tano on. Ala ni I ma ganup ulaon na tapatupa naeng do patuduhon “ manghirap sian na dao manjou sian jonok” asa marsada saluhutna dibagasan Jesus angka naporsea dohot na tinompana I (koinonia). Tapasiding angka angka ulaon, pingkiran na patubuhon parbolatbolaton na manirang hita sian dongan dohot sian holong ni roha ni Debata. Alai hobas mahita mangula angka ulaon na tau padomuhon, pauliulihon dibagasan panjouon ni huria na hot saleleng ni lelengna I ma: Manghatindanghon hata hasintongan I (Marturia) manghobasi saluhuthalak na porsea I dohot portibion (diakonia). Pos ma rohanta, songon pandongannion ni Debata tu angka ompunta dohot dihita na jolo songon I dongananna hita mandalani ariari nu ngaunta. Amen