1.Panghirimon tu Mesias gabe Raja disurirangkon do i ditingki masa “krisis kepemimpinan” di tongatonga ni bangso Israel. Ditingki ni Jeremia pemerintah ndang patuduhon pangalaho nasida songon parmahan jala pargomgom. Digobarhon do kegagalan ni pemerintahan (Zedekia) dohot pandohan parmahan angka na mangago dohot paserakhon angka birubiru. Tanggung jawab nasida songon pemerintah i ma: papunguhon, mangaramoti jala manguluhon ndang dipatupa nasida. Jeremia panurirang na mangula ditingki i mandalanhon fungsi ‘kontrol” tu pamarenta na so marsahala atas goar ni Debata. Disurirangkon si Jeremia ma rencana ni Debata maradophon bangsona marhite napabangkithon sada raja na di goari Tumbur na Tigor na bangkit * raja jala na pistar, jala hajongjongkononna ma uhum dohot hatigoran di tano i. Ibana ma na marmahani Israel dohot denggan jala laos ibana ma na gabe hadirion ni Raja na marsahala.
2.Ulaon ni Raja na pistar i ma : Manghajongjong uhum dohot hatigoran (melakukan keadilan dan kebenaran). Keadilan dan kebenaran on do na gabe pilar ni Demokrasi. Tontu Keadilan nabinoan ni Debata ndada marasing i sian perasaan keadilan na niantusan ni jolma nuaeng on. Pejuang keadilan na parjolo i ma angka na mangula di Pengadilan: Hakim Jaksa,polisi dohot pengacara. Lapatanna molo ro Tuhanta i laho manghajongjongkon keadilan dohot kebenaran na ingkon do angka aparat na mangula di pengadilan on manghabiari Debata Paruhum Natigor i. Mesias na ro mamboan uhum dohot hatigoran i manosoi ganup hita songon halak Kristen asa manghahologi uhum dohot hasintongan. Ala ni i ma sipasidingonta do angka tindakan na maralo tu uhum dohot hatigoran isara angka tindakan penindasan ala ni parasingan ni ugamo, kebudayaan, parhataan, warna kulit, gender dlna.
Na parjolo mangulahon hatigoran on i ma angka na tardok manjalao tugas gabe uluan / pemimpin sian skala na metmet sahut tu na balga. Ala margilinggiling songon aek do uhum i jala hatigoran songon sunge na so olo marsik (ptd Amos 5:24) Molo dung diulahon mamungka sian dolok , sian angka pemimpin, pejabat, sian pemerintah, na margilinggiling jala mabaor ma uhum dohot hatigoran i tu angka rayat na di toruan (na diuluhon). Marhite Raja na songon i ma (kepemimpinan mesianis) masama era /zaman na margoar “ Jahowa Parpintoranta” (Tuhan Keadilan kita). Dapot ma disi sada kondisi na didok di ayat 6: Di angka arina dapotan tua ma Juda, jala Israel marsonangsonang di ingananna. On ma kondisi na tahasiholi: Stabilitas politik dan ekonomi dalam negeri, kemakmuran dohot kesejahteraan (marsonangsonang ma diingananna). Ndang holan pertumbuhan ekonomi na terjadi alai pertumbuhan haporsean (mental dan iman) pe terjadi. Panandaon nasida tu Debata ndada holan Debata na mangula na jolo ditingki ni ompuna be; Jahowa, naung manogihon pinompar ni Israel ruar sian tano Misir. alai hatindanghonon ni bangso i panindangion haporseaon na imbaru, ala tandaon nasida ma Debata na mangolu na mangula nuaeng dohot di son: Jahowa, naung manogihon jala naung mamboan pinompar ni Israel mulak sian tano na tungkan utara dohot sian saluhut luat haambolongannasida na hubahen i, asa maringan nasida muse di tanonasida i.. Pemerintahan na mangulahon uhum dohot hasintongan i do hataridaan pemerintahan na marsahala. Jala holan tu pamarenta na songon i do hita unduk. Paulus mandok: Unduk ma ganup di panggomgomi na marsahala (Rom13:1) Panggomgomi na so marsahala ingkon dipaingot,dipinsang molo porlu diganti dohot cara-cara na denggan .
3.Dibagasan kegagalan dohot na lumlam dipatuduhon Debata do panarihonna. Diajari do hita mangantusi ia rajanta dohot pangomgominta i ma Mesias na dapot di hadirion ni Jesus Kristus Tuhanta i.Dipangido ibana do asa taparangehon pangalaho na manghaholongi uhum (keadilan) dohot hasintongan (kebenaran). Molo torop pe diportibion na so mangulahon i alaianggo hita patupaonta mai didia pe hita maringanan. Ndang jadi pajoloonta gogo papudion uhum . Anarki do na songon i. Nasojadi diparmeammeam / dipapeol uhum ala ni angka pardonganon manang parmudaron. Ia panggomgomi diportibion nasida holan “nasinuru ni Debata do” laho marmahani, papunguhon, pataridahon uhum dohot hatigoran . Parsuruon ni Debata tu nasida pe ndada na langsung suara sian banua ginjang, alai marshite suara ni angka rayat marhite pemilihan umum do. Lapatanna jolma no na ‘mendaulat” nasida gabe Raja. Tatangiangkon ma pamarentanta asa margogo laho mandalanhon uhum dohot hasintongan i. Ala ni i ma suaranta i (hak pilih) dipangke Debata laho pabangkithon Raja na marsahala songon Mesias i.
4.Mangihuthon filosofi ni habatahon mansai uli do gambarn ni halak pargomgom. Adong do ukuran keberhasilan kepimpinan ni halak batak marhite angka pandohan na uli; Sahalak pargomgom i ma:
Pamuro na so mantat sior, parmahan na so mantat batahi,
Na di pudi dipaima na di jolo dieahi,
Pangalualuan ni na bile, Pangompasompasan ni na maliali
Na parungkarrungkar bona, Raja ni parhuhu asi
Pandimunan ni hosa,pangapulon soro ni ari;
Panungkunan di poda na uja manotari.
Ompu raja ni tona na uja mamodai
Parbue na so marlaon bota; na girgir manghobasi.
Molo tasuba menterjemahon tu hata Indonesia: Penjaga padi tanpa panah, gembala yang tanpa cemeti, Yang dibelakang di nanti, yang di muka di songsong. Pelindung para tertindas, pengharapan para piatu, Pengungkap kisah semula; raja pengamini (kehendak Allah). Pemelihara hidup, penghibur orang susah. Tempat menyelesaikan hokum ahli menyelesaiakan masalah. Empu segala titah, mahir menasehati. Berjiwa putih murni raja penyelenggara.
5. Tahaporluhon do parmahan, molo so adong parmahan tamba lumlam do parngholuon. Tatangianghon ma bangkit parmahan na burju roha alai sai gabe angka birubiru na so manimbil ma hita luhutna. Amen.
Tidak ada komentar:
Posting Komentar